فلسفہ پڑهنے کے عملی فوائد
تحریر؛ اعجازنقوی
1: فلسفہ کامطالعہ انسان کو علم کے بنیادی سرچشمہ تک پہنچا سکتا ہے.
2: سائنس کے مختلف شعبوں نے جو دریافتین کی ہیں انکے مابین باہمئ مفاہمت ایجاد کرکے کلی نظریہ بنانے میں مدد کرتا ہے.
3: فلسفہ کا مطالعہ انسان میں گہری سوجهہ بوجهہ پیدا کرتا اور مغالطوں (Fallacies)کو سمجهنے میں مدد دیتا ہے.
فلسفہ کیوں ضروری ہے؟
تحریر: عباس حسینی
http://abbashussaini.blogfa.com/post/60
فلسفہ(Philosophy) بنیادی ترین علوم میں سے ہے جسے تمام علوم کی ماں (Mother of the Sciences) بھی کہا جاتا ہے۔ فلسفہ اس وسیع کائنات کی حقیقت کے حوالے سے بنیادی ترین سوالات کے جوابات ڈھونڈنے کی کوشش کا نام ہے۔ اگرچہ فلسفے کابنیادی معنی علم اور حکمت سے دوستی کے ہے اور فلسفی اپنی کاوش کے مطابق اس کائنات کے سربستہ رازوں سے پردے ہٹانے کی کوشش کرتا ہے، اور فلسفی کبھی بھی دعوی نہیں کرتا کہ اس نے کائنات کے تمام رموز سے آشنائی حاصل کر لی ہے۔ بس ایک کوشش ہے، اور سعی مسلسل۔
فلسفہ دو اصطلاحوں میں استعمال ہوتا ہے :
الف) *معنی عام* : اس معنی میں یہ تمام عقلی علوم (ریاضیات ، طبیعیات ، الہیات وغیرہ) کو شامل ہے اور نقلی علوم کے مقابل ہے مثلا نحو ، صرف ، تفسیر ، حدیث وغیرہ
اگر اس اصطلاح کو مدنظر رکھیں تو فلسفہ کی تعریف خاص نہیں کر سکتے ، اس اصطلاح کے مطابق فلسفہ یعنی علم غیر نقلی
*فیلسوف یعنی تمام علوم کا جامع* ۔
